Стратегийн орд эзэмшигчид тэгш, шударга зарчим хэрэгжүүлэхийг дэмжихээ илэрхийллээ

Монгол Улсын Ерөнхий сайд Н.Учрал стратегийн ач холбогдол бүхий ашигт малтмалын орд эзэмшигчидтэй 5-р сарын 11-нд уулзсан. Тус уулзалтаар Засгийн газар стратегийн ач холбогдол бүхий ашигт малтмалын орд, түүний үүсмэл ордын төрийн эзэмшлийн хувь хэмжээг тогтоож, Үндэсний баялгийн санд хуваарилж, газрын хэвлийн баялгийн үр өгөөжийн дийлэнхийг ард түмэнд хүртээх зорилгоор хуулийн төсөл боловсруулж, УИХ-д нэн яаралтай горимоор өргөн мэдүүлнэ гэдгээ илэрхийллээ.

Иргэн бүрийн нэрийн дансан дахь хуримтлал арвижиж 306.1 мянган төгрөг боллоо

Хуримтлалын санд нийт уул уурхайн олборлолт, ашигт малтмалын боловсруулах салбарын төрийн өмчит болон төрийн өмчийн оролцоотой хуулийн этгээдийн төрийн эзэмшлийн хувьцааны ногдол ашгийн орлогоос 2025 онд 507.1 тэрбум төгрөг, мөн сангийн 2025 оны хөрөнгө оруулалтын хүүгийн орлогоос 68.5 тэрбум төгрөгийг тус тус төвлөрүүлсэн байна.

Засгийн газрын Стратегийн ордын хэлэлцээ зохион байгуулах ажлын хэсэгт мэргэжлийн дэмжлэг үзүүлэн ажиллаж байна

“Чингис хаан Үндэсний баялгийн сан” ХХК нь Үндэсний баялгийн сангийн эх үүсвэрийг нэмэгдүүлэх ажлын хүрээнд Стратегийн ач холбогдол бүхий ашигт малтмалын ордын Тусгай зөвшөөрөл эзэмшигч хуулийн этгээдтэй хэлэлцээ хийхэд мэргэжлийн дэмжлэг үзүүлж Төрийн эзэмшлийн хувь хэмжээг тогтоох, түүнийг тусгай АМНАТ-өөр орлуулах санхүүгийн тооцоо судалгааг боловсруулан ажиллаж байна.

Иргэд, олон нийтэд Үндэсний баялгийн сангийн талаар мэдээлэл өгч, санал хүсэлт хүлээн авч ажиллаж байна

Аж үйлдвэр, эрдэс баялгийн яам, Эрчим хүчний яамны хамтарсан нээлттэй хаалганы өдөрлөг төв талбайд болж байгаа бөгөөд тус өдөрлөгт “Чингис хаан Үндэсний баялгийн сан” ХХК оролцож иргэдэд мэдээ, мэдээлэл өгч, санал хүсэлт хүлээн авч ажиллаж байна. Мөн Үндэсний баялгийн сангийн төрөлжсөн сан болох Хуримтлалын сан дахь нэрийн дансаа хэрхэн шалгах талаар тусламж, дэмжлэг үзүүлж байна. “Чингис хаан Үндэсний баялгийн сан” ХХК нь эх орны эрдэс баялгийн өгөөжийг өнөөгийн болон ирээдүйн иргэддээ шударгаар хүртээх зорилгын хүрээнд ил тод нээлттэй байх, олон нийтийн хяналт тавих нөхцөл боломжийг бүрдүүлэх, Үндэсний баялгийн санд тогтвортой, хараат бус, мэргэжлийн менежмент, хөрөнгө удирдлага хэрэгжүүлэх зэрэг бэлтгэл ажлыг ханган ажиллаж байгаа билээ. Үндэсний баялгийн сан нь Ирээдүйн өв сан, Хуримтлалын сан, Хөгжлийн сан гэсэн гурван төрөлжсөн сантай. Олон нийтээс хамгийн их асуудаг Хуримтлалын сангийн талаар мэдээлэл хүргэе. Хуримтлалын сан нь иргэдийн оролцоонд суурилсан байх бөгөөд цаашид иргэдийн орон сууц, боловсрол, эрүүл мэндийн хэрэгцээг хангахад чиглэсэн дэмжлэг, үйлчилгээг санхүүжүүлэх зорилготой юм. Та E-Mongolia ➡️ “Профайл”хэсэг ➡️ “Төрд байгаа миний мэдээлэл” ➡️ “Чингис хаан Үндэсний баялгийн сан” гэсэн алхмаар нэрийн дансан дахь хуримтлалаа шалгаарай. Таны дансанд орж буй орлого нь газрын хэвлий дэх байгалийн баялгийн өгөөжийг одоо ба ирээдүйн иргэдэд тэгш хүртээх Үндэсний баялгийн сангийн тухай хуулийн хэрэгжилтийн хүрээнд бий болж буй хуримтлал юм. Одоогийн байдлаар “Эрдэнэс Монгол” нэгдлийн уул уурхайн компаниудын төрд ногдох ногдол ашгийн 34% төвлөрч байна.

Уул уурхайн салбарынхан Баялгийн сангийн талаар хэлэлцүүлэг өрнүүллээ

Үндэсний баялгийн сангийн хуулийн хэрэгжилтийг эрчимжүүлж, Баялгийн санг шударга, ил тод, нээлттэй, тогтвортой, хариуцлагатай тогтолцоо болгон, түүний хөрөнгийг удирдах институтийг төлөвшүүлэх зэрэг Баялгийн санг тойрсон асуудлаар гуравдугаар сарын 24-нд уул уурхайн салбарын төлөөллийг оролцуулсан “Баялгийн сангийн өнөөгийн нөхцөл, тулгамдаж буй асуудал” хэлэлцүүлэг өрнүүлэв.

Банк санхүү, Хөрөнгийн зах зээлийн салбарынхан Баялгийн сангийн талаар хэлэлцүүлэг өрнүүллээ

Үндэсний баялгийн сангийн хуулийн хэрэгжилтийг эрчимжүүлж, Баялгийн санг шударга, ил тод, нээлттэй, тогтвортой, хариуцлагатай тогтолцоо болгон, түүний хөрөнгийг удирдах институтийг төлөвшүүлэх зэрэг Баялгийн санг тойрсон асуудлаар гуравдугаар сарын 20-нд “Баялгийн сангийн өнөөгийн нөхцөл, тулгамдаж буй асуудал” хэлэлцүүлэг өрнүүлэв.

“БАЯЛГИЙН САНГИЙН ӨНӨӨГИЙН НӨХЦӨЛ, ТУЛГАМДАЖ БУЙ АСУУДАЛ” эрдэм шинжилгээний хурал боллоо

Монгол Улсын Засгийн газраас 2026 оны 48 дугаар тогтоолоор Үндэсний баялгийн сангийн асуудлаар иргэдтэй зөвлөлдөх санал асуулгыг 2026 оны 4-р сарын 15-нд зохион байгуулах тогтоол баталсан.

Монгол дахь Америкийн Худалдааны танхимын урилгаар Чингис хаан Үндэсний баялгийн сангийн талаар мэдээлэл өглөө

“Чингис хаан Үндэсний баялгийн сан” ХХК-ийн гүйцэтгэх захирал Б.Тэмүүлэн Монгол дахь Америкийн Худалдааны танхим (AmCham Mongolia)-ын гишүүд болон олон улсын байгууллага, дипломат төлөөлөгчдөд сангийн талаар мэдээлэл өглөө.

Хуримтлалын сангийн эх үүсвэр нэмэгдүүлэхэд стратегийн орд болон зэсийн үүсмэл орд ашиглаж буй аж ахуйн нэгжүүд Засгийн газартай санамж бичиг байгууллаа

Иргэдийн орон сууц, боловсрол эрүүл мэндийн санхүүжилт хийх Хуримтлалын сангийн эх үүсвэр нэмэгдүүлэхэд стратегийн орд болон зэсийн үүсмэл орд ашиглаж буй аж ахуйн нэгжүүд өнөөдөр Засгийн газартай хамтарч ажиллах Харилцан ойлголцлын санамж бичиг байгууллаа.

Иргэн та Хуримтлалын санд төвлөрсөн орлого болон Монголбанкны бодлогын хүүгээр тооцсон өгөөжийн мэдээллийг E-Mongolia-ийн “Профайл” хэсэгт ороод “Төрд байгаа миний мэдээлэл” хэсгээс “Чингис хаан Үндэсний баялгийн сан” гэсэн хэсгээс шалгаарай.

Хуримтлалын сангийн зарцуулалтыг хуульчилсан бөгөөд үүнд: Үндэсний баялгийн сангийн тухай хууль, холбогдох журмын дагуу Хуримтлалын сан дахь нэрийн дансаараа та боловсрол, эрүүл мэнд, орон сууцны урьдчилгаагаа санхүүжүүлэх боломжтой. ✅Хуримтлалын сангийн эх үүсвэрийг дараах байдлаар хуульд тусгасан. Таны дансанд орж буй орлого нь газрын хэвлий дэх байгалийн баялгийн өгөөжийг одоо ба ирээдүйн иргэдэд тэгш хүртээх Үндэсний баялгийн сангийн тухай хуулийн хэрэгжилтийн хүрээнд бий болж буй хуримтлал юм. Одоогийн байдлаар “Эрдэнэс Монгол” нэгдлийн уул уурхайн компаниудын төрд ногдох ногдол ашгийн 34% төвлөрч байна.