Aвлигын эсрэг сургалтад хамрагдлаа
Авлигатай тэмцэх газрын Урьдчилан сэргийлэх, соён гэгээрүүлэх хэлтсээс 2026 оныг Уул уурхайн жил болгосонтой холбогдуулан "Эрдэнэс Монгол" нэгдлийн компаниудад Авлигын эсрэг сургалт зохион байгуулж байна.
Өнөөдрийн сургалтад “Чингис Хаан Үндэсний баялгийн сан” ХХК болон бусад компаниудын ажилтнууд оролцож “Авлигаас урьдчилан сэргийлэх үйл ажиллагаа”, “Авлига, ашиг сонирхлын зөрчлөөс урьдчилан сэргийлэх нь” сэдвээр мэдлэг мэдээллээ дээшлүүллээ.
Сургалтыг Авлигатай тэмцэх газрын Урьдчилан сэргийлэх, соён гэгээрүүлэх хэлтсийн комиссар Б.Баяртөгс удирдан чиглүүлж, авлига, ашиг сонирхлын зөрчил, түүнээс хэрхэн урьдчилан сэргийлэх талаар мэдээлэл, танилцуулга хийж сургалтад хамрагдсан ажилтнуудын сонирхсон асуултад хариуллаа.
