УИХ-ын Ажлын хэсэгт “Үндэсний баялгийн сан”-гийн өнөөгийн нөхцөл байдал, ирээдүйн стратегийг танилцууллаа
Үндэсний баялгийн сан, олборлох үйлдвэрлэлийн ил тод байдлыг хангах асуудлаар санал, дүгнэлт боловсруулах Ажлын хэсгийн гишүүдэд “Үндэсний баялгийн сан”-гийн өнөөгийн нөхцөл байдал, цаашид авах арга хэмжээ, үйл ажиллагааны төлөвлөгөөг танилцууллаа.
Хурлын үеэр “Чингис хаан үндэсний баялгийн сан” ХХК-ийн Гүйцэтгэх захирал Б.Тэмүүлэн сангийн өнөөгийн нөхцөл байдал, олон улсын баялгийн сангуудын туршлагад суурилсан цаашдын замын зураглал, шийдлүүдийг танилцуулж, Ажлын хэсгийн гишүүдийн сонирхсон асуултад хариулт өглөө. Түүнчлэн хуралдаанаар “Олборлох үйлдвэрлэлийн ил тод байдлын санаачилга”-тай холбоотой хуулийн төслийн танилцуулгыг сонсож, санал солилцсон юм.
Үндэсний баялгийн сан, олборлох үйлдвэрлэлийн ил тод байдлыг хангах асуудлаар санал, дүгнэлт боловсруулах Ажлын хэсгийг УИХ-ын даргын 2025 оны 12 дугаар сарын 26-ны өдрийн 523 дугаар захирамжаар байгуулсан билээ.
