Иргэд нэрийн дансан дахь хуримтлалаа E-Mongolia-аар шалгах боломжтой

2025 оны эхний хагас жилийн байдлаар Хуримтлалын санд төвлөрсөн орлого, хуримтлалын нэрийн дансан дахь  хуримтлал болон Монголбанкны бодлогын хүүгээр тооцсон өгөөжийн мэдээллийг E-Mongolia-д нэвтэрч шалгах боломжтой. Тус санд одоогоор 627.1 тэрбум төгрөг төвлөрөөд байгаа бөгөөд оны эцэст 1 их наяд төгрөгт хүрэх төлөвтэй байна.

“Эрдэнэс Монгол” нэгдлийн ногдол ашиг болон уул уурхайн АМНАТ-аас бүрдэж буй энэхүү хуримтлалыг иргэдийн орон сууц, боловсрол, эрүүл мэндийн зардалд зарцуулах бэлтгэл ажлыг “Чингис хаан Үндэсний баялгийн сан” ХХК хангаж байна.