Тэргүүн шадар сайд Н.Учрал: ОУ-ын компанитай хамтарч баялгийн санг арвижуулна

"Mining Week & MinePro 2025" арга хэмжээний үеэр Монгол Улсын Тэргүүн шадар сайд бөгөөд Эдийн засаг, хөгжлийн сайд Н.Учрал "Чингис хаан Үндэсний баялгийн сан"-гийн үйл ажиллагаатай танилцаж, сангийн ирээдүйн стратегийн талаар байр сууриа илэрхийллээ.

Тэрээр үндэсний баялгийн сангийн хөрөнгийг арвижуулахдаа дэлхийн жишигт нийцсэн менежментийг хэрэгжүүлэх, олон улсын туршлагатай, мэргэжлийн хөрөнгийн менежментийн компаниудтай нээлттэй хамтран ажиллах нь эдийн засгийн өгөөжийг нэмэгдүүлэх, засаглалыг бэхжүүлэх гол хөшүүрэг болохыг онцолсон юм.